The post എബി പൊന്നാട്ട് കേരളാ കോൺഗ്രസ്സ് കോട്ടയം നിയോജക മണ്ഡലം പ്രസിഡന്റ് appeared first on Kerala Dhesham.

കോട്ടയം :സാധാരണക്കാരായ ജനങ്ങൾക്ക് ബുദ്ധിമുട്ട് ഉണ്ടാകുന്ന വിധത്തിൽ അന്യായമായി ഫീസ് വർധനയിലൂടെ ചികിത്സച്ചെലവുകൾ വർദ്ധിപ്പിക്കാൻ പുതിയതായി നടപ്പിലാക്കിയിട്ടുള്ള നടപടികൾ പിൻവലിക്കണമെന്ന് ആവശ്യപ്പെട്ട് കേരള കോൺഗ്രസ് കോട്ടയം ജില്ലാ കമ്മിറ്റിയുടെ ആഭിമുഖ്യത്തിൽ കോട്ടയം മെഡിക്കൽ കോളേജിലേക്ക് ജനകീയ പ്രതിഷേധമാർച്ചും കൂട്ട ധർണ നടത്തി.

കേരള കോൺഗ്രസ് ജില്ലാ പ്രസിഡൻറ് അഡ്വ. ജെയ്സൺ ജോസഫ് അധ്യക്ഷത വഹിച്ച ധർണാ സമരം എക്സിക്യൂട്ടീവ് ചെയർമാൻ അഡ്വ. മോൻസ് ജോസഫ് എംഎൽഎ ഉദ്ഘാടനം ചെയ്തു.

മെഡിക്കൽ കോളേജിലെ ഐ സി യു, വെന്റിലേറ്റർ ഉപയോഗത്തിന് രോഗികളിൽ നിന്നും ദിവസം 500 രൂപ ഈടാക്കാനുള്ള തീരുമാനം തികച്ചും ജനദ്രോഹം ആണ്. ഈ തെറ്റായ നിലപാട് എത്രയും വേഗം പിൻവലിച്ച് ജനങ്ങൾക്ക് സൗജന്യ ചികിത്സ തുടർന്നു നൽകാനുളള നടപടി സ്വീകരിക്കണമെന്ന് അഡ്വ. മോൻസ് ജോസഫ് എംഎൽഎ ആവശ്യപ്പെട്ടു.

മെഡിക്കൽ കോളേജിലെ അടിസ്ഥാന വികസന കാര്യങ്ങളും ജനകീയ ആവശ്യങ്ങളും ചർച്ച ചെയ്യുവാനുള്ള സമിതിയായ മെഡിക്കൽ കോളേജ് വികസന കൗൺസിൽ വർഷങ്ങളായി വിളിച്ചു ചേർക്കാതെ, സംസ്ഥാന സർക്കാരും ആരോഗ്യവകുപ്പും നിരുത്തരവാദപരമായ പെരുമാറ്റമാണ് നടത്തിക്കൊണ്ടിരിക്കുന്നതെന്ന് മുഖ്യപ്രഭാഷണത്തിൽ അഡ്വ. കെ ഫ്രാൻസിസ് ജോർജ് എം.പി കുറ്റപ്പെടുത്തി

ധർണ സമരത്തിന് പാർട്ടി വൈസ് ചെയർമാൻ കെ.എഫ് വർഗീസ്, സംസ്ഥാന അഡ്വൈസർ തോമസ് കണ്ണന്തറ, പാർട്ടി ഉന്നതാധികാര സമിതി അംഗങ്ങളായ മാഞ്ഞൂർ മോഹൻ കുമാർ , അഡ്വ. പ്രിൻസ് ലൂക്കോസ്, വി.ജെ ലാലി, ജോർജ് പുളിങ്കാട്,സന്തോഷ് കാവുകാട്ട് ബിനു ചെങ്ങളം,സി വി തോമസ് കുട്ടി,എബി പൊന്നാട്ട്,കെ.പി പോൾ, അഡ്വ മൈക്കിൾ ജയിംസ്,ജോസ് ജയിംസ് നിലപ്പനകൊല്ലി, ഷൈജി ഓട്ടപള്ളി,ജോയ് ചെട്ടിശ്ശേരി,ഡോ. റോസമ്മ സോണി, സാബു പീടിയേക്കൽ, അഡ്വ. ടിവി സോണി, അജി കെ ജോസ് , സാബു ഒഴുങ്ങാലിൽ, പി.ടി. ജോസഫ് പാരിപ്പള്ളി, ജോൺ ജോസഫ്,സെബാസ്റ്റ്യൻ കോച്ചേരി,ആൻസ് വർഗീസ്,കുഞ്ഞു കളപ്പുര, ജോസ് പാറേട്ട് , ടിറ്റോ പയ്യനാടൻ, തോമസ് പുതുശ്ശേരി, തോമസ് വഞ്ചിയിൽ,ഡെയ്സി ജോസ് , കൊച്ചുറാണി ഓട്ടക്കാട്ടിൽ , അമുദ റോയ് , ഓമന സണ്ണി തുടങ്ങിയവർ നേതൃത്വം നൽകി.

The post കോട്ടയം മെഡിക്കൽ കോളേജിലെ ഫീസ് വർധന  ;കേരള കോൺഗ്രസ് കോട്ടയം ജില്ലാ കമ്മിറ്റിയുടെ ആഭിമുഖ്യത്തിൽ ജനകീയ പ്രതിഷേധമാർച്ചും കൂട്ട ധർണ്ണയും നടത്തി appeared first on Kerala Dhesham.

രൂപതയുടെ പേരിൽ തട്ടിപ്പിന് ശ്രമിക്കുന്നുവെന്ന പരാതി, കാഞ്ഞിരപ്പള്ളി രൂപതയും നൽകിയിട്ടുണ്ട്.

The post കാഞ്ഞിരപ്പള്ളി രൂപതയുടെ പേര് ദുരുപയോഗിച്ച് ഇസ്രായേലിൽ നഴ്സിംഗ് ജോലി വാഗ്ദാനം ചെയ്ത് തട്ടിപ്പ് നടത്തിയെന്ന് പരാതി appeared first on Kerala Dhesham.

കോട്ടയം കെ എസ് ആർ റ്റി സി ബസ് സ്റ്റാൻഡിൽ നിർത്തിയിട്ടിരുന്ന ബസ് തനിയെ പിന്നിലേക്ക് നീങ്ങി റോഡിന് എതിർ വശത്തുള്ള പ്രസ്ക്ലബ്ബ് – പിഡബ്ല്യുഡി മന്ദിരങ്ങളുടെ ഗേറ്റും, മതിലും തകർന്നു.

ഇന്നു പുലർച്ചെയാണ് സംഭവം. കെ എസ് ആർ റ്റി സിസ്റ്റാൻഡിലേക്ക് കയറുന്ന ഭാഗത്തുള്ള കയറ്റത്ത് ബസ് നിർത്തിയിട്ട ശേഷം ഡ്രൈവർ കാപ്പി കുടിക്കുവാൻ പോയ സമയത്താണ് സംഭവം.ബ്രേക്ക് നഷ്ടപ്പെട്ട ബസ് തനിയെ പിന്നിലേക്ക് നീങ്ങി റോഡ് കുറുകെ കടന്ന് എതിർവശത്തുള്ള മതിലും ഗേറ്റും തകർത്ത് പ്രസ് ക്ലബ്ബ് – പിഡബ്ല്യുഡി മന്ദിരങ്ങളുടെ വളപ്പിൽ പ്രവേശിച്ച് വശത്തെ മതിലിൽ ഇടിച്ച് നിൽക്കുകയായിരുന്നു. പുലർച്ചെ റോഡിൽ വാഹനങ്ങളും, വഴിയാത്രക്കാരും കുറവായതിനാൽ വൻ ദുരന്തം ഒഴിവായി

The post നിർത്തിയിട്ടിരുന്ന ബസ് തനിയെ പിന്നിലേക്ക് നീങ്ങി പ്രസ്ക്ലബ്ബ് – പിഡബ്ല്യുഡി മന്ദിര മതിലും ഗേറ്റും തകർത്തു. appeared first on Kerala Dhesham.

അറുപത്തിമൂന്നുകാരനായ ശ്രീകുമാർ ജന്മനാ കാഴ്ച്ചപരിമിതിയുള്ള വ്യക്തിയാണ്. വാതിൽപ്പടിയിൽ കിടന്ന മൂർഖൻ പാമ്പിനെ ജോലി കഴിഞ്ഞെത്തിയ ശ്രീകുമാർ ചിവിട്ടുമെന്ന ഘട്ടത്തിലാണ് കിട്ടു എന്ന വളർത്തുനായ സ്വന്തം ജീവൻ പോലും പണയംവെച്ച് മൂർഖനുമായി ഏറ്റുമുട്ടിയത്. മൂർഖനെ കടിച്ചുകൊന്നാണ് കിട്ടു യജമാനനോടുള്ള സ്നേഹം പ്രകടിപ്പിച്ചത്.

സമീപത്തെ കുടിവെള്ളപദ്ധതിയുടെ പമ്പ് ഓപ്പറേറ്റർ കൂടിയായ ശ്രീകുമാർ ജോലിക്കുശേഷം ഞായറാഴ്ച വൈകീട്ട് മൂന്നരയോടെ വീട്ടുമുറ്റത്തേക്ക് നടന്നുവന്നപ്പോഴാണ് അടുക്കളവാതിൽക്കൽ പാമ്പ് കിടന്നത്. പട്ടിക്കൂട് ഇതിന് സമീപമായിരുന്നു. അടുക്കളവാതിലിൽക്കൂടി ശ്രീകുമാർ അകത്തേക്ക് കടന്നാൽ പാമ്പിനെ ചവിട്ടും, കടിയേൽക്കുകയുംചെയ്യും. അപകടം തിരിച്ചറിഞ്ഞ കിട്ടു നിർത്താതെ കുരച്ചു. എന്നാൽ നിഴൽപോലെ മാത്രം കാഴ്ചയുള്ള ശ്രീകുമാർ പാമ്പിനെ കണ്ടില്ല.

നായ പുറത്തുപോകാൻവേണ്ടി കുരയ്ക്കുന്നതാകുമെന്നുകരുതി കൂടുതുറന്നുകൊടുത്തപ്പോൾ കിട്ടു കുതറി എതിർദിശയിലേക്ക് പാഞ്ഞു. മുരൾച്ചയോടെ എന്തിനെയോ ആക്രമിക്കുകയാണെന്ന് മനസ്സിലായി. കിട്ടു എലിയെ പിടിക്കുകയാകുമെന്നാണ് കരുതിയത്.

ബഹളംകേട്ട്, ശ്രീകുമാറിന്റെ വാടകവീടിന്റെ ഉടമ, സമീപത്തുള്ള ശകുന്തൾ സ്റ്റോഴ്സിലെ പുരുഷോത്തമൻ നായർ എത്തി. അദ്ദേഹമാണ് കിട്ടുവിന്റെ പോരാട്ടം മൂർഖനുമായാണെന്ന് കണ്ടത്. പത്തിവിടർത്തി കൊത്താൻ ശ്രമിച്ച മൂർഖനിൽനിന്ന് ചാടിമാറി നിമിഷനേരംകൊണ്ട് അതിനെ കടിച്ചുകുടഞ്ഞു. മുറിവേറ്റ പാമ്പ് ചത്തു. സംഭവം നടക്കുമ്പോൾ ശ്രീകുമാറിന്റെ ഭാര്യ രമാദേവി വീട്ടിലില്ലായിരുന്നു. കിട്ടുവിനെ ചേർത്തുപിടിച്ച് സംഭവം വിശദീകരിക്കുമ്പോൾ അവനോടുള്ള സ്നേഹം മുഴുവൻ വീട്ടുകാരുടെ വാക്കുകളിൽ നിറഞ്ഞു.

മക്കളായ ലാവണ്യ, ശരണ്യ എന്നിവരെ വിവാഹം ചെയ്തയച്ചു. ശ്രീകുമാറിന് ലൈഫ് പദ്ധതിയിൽ വീടുപണി പൂർത്തീകരിച്ചുവരുകയാണ്. ശസ്ത്രക്രിയ ചെയ്തെങ്കിലും കാഴ്ചയ്ക്ക് കാര്യമായ പുരോഗതിയില്ല. പതിവായി നടക്കുന്ന വഴിയിലൂടെ പരസഹായമില്ലാതെ സഞ്ചരിക്കാൻ ഇദ്ദേഹത്തിനാകും. അതിനാൽ പമ്പ് പ്രവർത്തിപ്പിക്കാൻ തനിയെ ആണ് പോകുന്നതെന്ന് രമാദേവി പറഞ്ഞു.

The post കാഴ്ച്ചുപരിമിതിയുള്ള യജമാനന്റെ ജീവൻ രക്ഷിച്ച കിട്ടു നായ appeared first on Kerala Dhesham.

The post മെഡിക്കല്‍ കോളേജ് ആശുപത്രിയുടെ സമീപത്ത് നിന്ന് എക്‌സൈസ് സംഘം കഞ്ചാവ് ചെടി കണ്ടെത്തി appeared first on Kerala Dhesham.

The post പാലായിൽ ഡ്യൂട്ടിക്കെത്തിയ കെ എസ് ആർ ടി സി ഡ്രൈവർ  കുഴഞ്ഞുവീണു മരിച്ചു. appeared first on Kerala Dhesham.

The post കോട്ടയത്ത് ഡ്യൂട്ടി കഴിഞ്ഞ മടങ്ങിയ പോലീസ് ഉദ്യോഗസ്ഥനെ കാണാനില്ലെന്ന് പരാതി appeared first on Kerala Dhesham.

The post ചങ്ങനാശ്ശേരി അസംപ്ഷന്റെ വാതിലുകൾ   ഇനി ആൺകുട്ടികൾക്കു വേണ്ടിയും തുറക്കുന്നു appeared first on Kerala Dhesham.

വടവാതൂരില്‍ ഭാര്യയുടെ കാമുകന്‍ എന്ന സംശയിച്ച്‌ ബന്ധുവിനെയും സുഹൃത്തിനെയും ഭര്‍ത്താവ് ആക്രമിച്ചു.ആക്രമണത്തില്‍ ബന്ധുവായ ചെങ്ങളം സ്വദേശിയായ രഞ്ജിത്ത് (40) കൊല്ലപ്പെട്ടു.

ഗുരുതരമായി പരിക്കേറ്റ ഇയാളുടെ സുഹൃത്ത് റിജോയെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ശനിയാഴ്ച വൈകിട്ട് 7:30നാണ് സംഭവം. വടവാതൂര്‍ കുരിശിന് സമീപത്തു വച്ചായിരുന്നു ആക്രമണം. രഞ്ജിത്ത് ഇന്നലെ സുഹൃത്തിനൊപ്പം വടവാത}ര്‍ കുരിശിന് സമീപം ബസിറങ്ങി. ഇവര്‍ മുന്നോട്ട് നടക്കവെ അജേഷ് പതിയിരുന്ന് ആക്രമിക്കുകയായിരുന്നു.
റിജോയെ അജേഷ് വെട്ടുന്നത് തടയാന്‍ ശ്രമിച്ചപ്പോഴാണ് പ്രതി രഞ്ജിത്തിനെ ആക്രമിച്ചത്. ഇതിനിടെ റിജോ സമീപത്തെ ആശുപത്രിയിലേക്ക് ഓടിക്കയറി. എന്നാല്‍, നിലത്തുവീണ രഞ്ജിത്തിനെ അജേഷ് പിന്നെയും ആക്രമിച്ചു. നാട്ടുകാര്‍ ഓടിക്കൂടിയപ്പോള്‍ അജേഷ് ഓടി. തൊട്ടടുത്ത ആശുപത്രിയില്‍ പ്രാഥമിക ശുശ്രൂഷയ്ക്ക് ശേഷം രഞ്ജിത്തിനെ കോട്ടയം മെഡിക്കല്‍ കോളേജില്‍ എത്തിച്ചെങ്കിലും മരിച്ചിരുന്നു.

അജേഷിന്റെ ഭാര്യയുടെ അമ്മാവന്റെ മകളുടെ ഭര്‍ത്താവാണ് കൊല്ലപ്പെട്ട രഞ്ജിത്ത്. സംശയ രോഗത്തെ തുടര്‍ന്നുള്ള കൊലപാതകമാണെന്ന് പോലീസ് സ്ഥിരീകരിച്ചു. സംഭവശേഷം രക്ഷപ്പെട്ട പ്രതിക്കായി പോലീസ് അന്വേഷണം ആരംഭിച്ചു.

The post വടവാതൂരില്‍ ഭാര്യയുടെ കാമുകന്‍ എന്ന സംശയിച്ച്‌ ബന്ധുവിനെയും സുഹൃത്തിനെയും ഭര്‍ത്താവ് ആക്രമിച്ചു. ഒരു മരണം appeared first on Kerala Dhesham.