Skip to content
- പിഎം ഗരീബ് കല്യാൺ അന്ന യോജന പദ്ധതി ഒരു വർഷം കൂടി തുടരും. എല്ലാ അന്ത്യോദയ ഉപഭോക്താക്കൾക്കും പ്രയോജനം ലഭിക്കും.ആഗോള പ്രതിസന്ധിക്കിടയിലും ഇന്ത്യ ശരിയായ പാതയിൽ
- ഏഴു ഭാഗങ്ങളായാണ് ഇത്തവണത്തെ ബജറ്റിനെ തിരിച്ചിരിക്കുന്നതെന്ന് ധനമന്ത്രി. അമൃതകാലത്ത് സപ്തർഷികളെപ്പോലെ ഇത് രാജ്യത്തെ നയിക്കും.
- ഡിജിറ്റൽ പെയ്‌മെന്റിലുണ്ടായ വളർച്ചയിലൂടെ ഇന്ത്യൻ സമ്പദ്വ്യവസ്ഥ ഏറെ മുന്നേറി.
- കൃഷി അനുബന്ധ സ്റ്റാർട്ടപ്പുകൾക്കായി പ്രത്യേക ഫണ്ട് വരും. 2,200 കോടി രൂപയുടെ ഹോർട്ടികൾച്ചർ പാക്കേജ് വരും.
- മൽസ്യമേഖലയ്ക്ക് 6000 കോടി രൂപയുടെ അനുബന്ധ പദ്ധതി.
- കാർഷിക മേഖലയ്ക്ക് ഐടി അധിഷ്ഠിത അടിസ്ഥാന വികസനം നടപ്പാക്കും.
- 63,000 പ്രാഥമിക സംഘങ്ങളിൽ ഡിജിറ്റലൈസേഷൻ നടപ്പാക്കും.
- കുട്ടികൾക്കും കൗമാരക്കാർക്കുമായി ദേശീയ ഡിജിറ്റൽ ലൈബ്രറി വരും.
- അരിവാൾ രോഗം അഥവാ അരിവാൾ കോശ വിളർച്ച 2047 ഓടെ പൂർണമായും നിർമാർജനം ചെയ്യാൻ പ്രത്യേക പദ്ധതി.
- 157 പുതിയ നഴ്‌സിങ് കോളജുകൾ വരും.
- റെയിൽവേയ്ക്ക് 2.40 ലക്ഷം കോടി രൂപ വകയിരുത്തി.
- പിഎം ആവാസ് യോജനയ്ക്ക് 66 ശതമാനം വർധനയോടെ 79,000 രൂപ വകയിരുത്തി.
- 50 പുതിയ വിമാനത്താവളങ്ങളും ഹെലിപോർട്ടുകളും വരും.
- സംസ്ഥാനങ്ങൾക്ക് പലിശരഹിത വായ്പ ഒരു വർഷം കൂടി നൽകും.
- 2023-24 സാമ്പത്തിക വർഷം 10 ലക്ഷം കോടി രൂപയുടെ മൂലധനനിക്ഷേപം നടത്തും.
- നഗരങ്ങളിൽ അഴുക്കുചാലുകൾ വൃത്തിയാക്കാൻ യന്ത്ര സംവിധാനം നടപ്പാക്കും.
- നഗരവികസനത്തിന് പണം കണ്ടെത്താൻ മുനിസിപ്പൽ ബോണ്ട് വരും.
- എല്ലാ സർക്കാർ ഏജൻസികളും സാർവത്രിക ഐഡിയായി പാൻ കാർഡ് പരിഗണിക്കും.
- ജൈവകൃഷിയിലേക്ക് മാറുന്നതിനായി ഒരു കോടി കർഷകർക്ക് പിന്തുണ നൽകും.
- ഹരിതോർജം പ്രോത്സാഹിപ്പിക്കുന്നതിന് നടപടി.
- മലിനീകരണമുണ്ടാക്കുന്ന പഴഞ്ചൻ വാഹനങ്ങൾ ഒഴിവാക്കാൻ പ്രത്യേക പദ്ധതി നടപ്പാക്കും.
- തൊഴിലവസരങ്ങൾ വർധിപ്പിക്കുന്നതിനായി പ്രധാനമന്ത്രി കൗശൽ വികാസ് യോജന 4.0 നടപ്പാക്കും.
- വിവിധ സംസ്ഥാനങ്ങളിലായി നൈപുണ്യ വികസനത്തിനായി 30 സ്‌കിൽ ഇന്ത്യ ഇന്റർനാഷനൽ സെന്ററുകൾ തുടങ്ങും.
- ആദിവാസി വികസനത്തിന് 15,000 കോടി രൂപ വകയിരുത്തി.
- 50 ഇടങ്ങളിൽ ‘ദേഖോ അപ്നാ ദേശ്’ എന്ന പേരിൽ പ്രത്യേക വിനോദ സഞ്ചാര വികസന പദ്ധതി നടപ്പാക്കും.
- മഹിളാ സമ്മാൻ സേവിങ്‌സ് പത്ര എന്ന പേരിൽ വനിതകൾക്കായി പ്രത്യേക നിക്ഷേപ പദ്ധതി വരും. രണ്ടു വർഷ കാലയളവിൽ നിക്ഷേപത്തിന് 7.5 ശതമാനം പലിശ ലഭ്യമാക്കുന്ന പദ്ധതിയാണിത്.
- ഇ-കോടതികൾ തുടങ്ങാൻ 7,000 കോടി രൂപ വകയിരുത്തും.
- ബാങ്കിങ് നിയമങ്ങളും ചട്ടങ്ങളും പരിഷ്‌കരിക്കും.
- അടിസ്ഥാന കസ്റ്റംസ് ഡ്യൂട്ടി നിരക്കുകൾ 21 ൽ നിന്ന് 13 ശതമാനമാക്കി കുറയ്ക്കും.
- മുതിർന്ന പൗരന്മാർക്ക് നിക്ഷേപങ്ങൾക്കുള്ള പരിധി 15 ലക്ഷത്തിൽ നിന്ന് 30 ലക്ഷമാക്കി ഉയർത്തി.
- മൊബൈൽ ഫോൺ ഘടകങ്ങൾക്കുള്ള കസ്റ്റംസ് തീരുവയിളവ് ഒരു വർഷം കൂടി തുടരും. ടിവി പാനൽ ഘടകങ്ങൾക്കും കസ്റ്റംസ് തീരുവയിളവെന്ന് ധനമന്ത്രി.
- കംപ്രസ്ഡ് ബയോഗ്യാസ്, എഥനോൾ, ഇലക്ട്രിക് ചിമ്മിനി, ലിഥിയം അയൺ ബാറ്ററി, ഹീറ്റ് കോയിൽ തുടങ്ങിയവയുടെ വില കുറയും. സിഗരറ്റുകളുടെ വില കൂടും.
- ആദായ നികുതി റിട്ടേൺ നടപടികളുടെ ദിവസം 16 ആയി കുറച്ചു. ഇൻകം ടാക്‌സിൽ നിലവിൽ അഞ്ച് ലക്ഷം വരെയുണ്ടായിരുന്ന റിബേറ്റ് ഏഴ് ലക്ഷം വരെയാക്കി.
- ഒൻപത് ലക്ഷം വരെ വേതനം വാങ്ങുന്നവർ 45000 രൂപ ആദായ നികുതി അടച്ചാൽ മതി.
- 15 ലക്ഷം വരെ ശമ്പളം വാങ്ങുന്നവർ 1.5 ലക്ഷം രൂപ ആദായ നികുതിയായി അടക്കണം.
- മാസവരുമാനക്കാർക്കുള്ള നിക്ഷേപപരിധി 9 ലക്ഷമാക്കി.
- വൈദ്യുതി വാഹനങ്ങളിൽ ഉപയോഗിക്കുന്ന ബാറ്ററികളുടെ വില കുറയും.
- 50 ലക്ഷം വരെ വരുമാനമുള്ള പ്രഫഷനലുകൾക്ക് നികുതി ഇളവ്.
- ഏഴു ലക്ഷം രൂപ വരെ ആദായ നികുതിയിളവ്. ഏഴുലക്ഷം രൂപ വരെ വരുമാനമുള്ളവർ ആദായനികുതി നൽകേണ്ടതില്ല. നികുതി സ്ലാബുകൾ അഞ്ചെണ്ണം മാത്രമാക്കി നിജപ്പെടുത്തി.
- മൊബൈൽ ഫോൺ ഘടകങ്ങൾക്കുള്ള കസ്റ്റംസ് തീരുവയിളവ് ഒരു വർഷം കൂടി.
- ആരോഗ്യ ഗവേഷണത്തിന് ഐസിഎംആർ – ഐസിഎംആർൻറെ തെരഞ്ഞെടുക്കപ്പെട്ട ലാബുകളിൽ ഗവേഷണത്തിന് സൌകര്യം ഒരുക്കും.
- ഫാർമസ്യൂട്ടിക്കൽ മേഖലയിൽ ഗവേഷണം – ഫാർമസ്യൂട്ടിക്കൽ മേഖലയിൽ ഗവേഷണം പ്രോത്സാഹിപ്പിക്കാനായി പ്രത്യേക പദ്ധതി രൂപം നൽകും.
