എം ബി രാജേഷ് മന്ത്രിയാകും എ എൻ ഷംസീർ അടുത്ത നിയമസഭാ സ്പീക്കറാകും

തിരുവനന്തപുരം: എ എൻ ഷംസീർ അടുത്ത നിയമസഭാ സ്പീക്കറാകും.(a n shamseer speaker) എം ബി രാജേഷ് മന്ത്രിയാകുമെന്നും സിപിഎം സംസ്ഥാന സെക്രട്ടറിയേറ്റിൽ തീരുമാനമായി. തദ്ദേശ സ്വയം ഭരണ വകുപ്പ് മന്ത്രി എം വി ​ഗോവിന്ദൻ സിപിഎം സംസ്ഥാന സെക്രട്ടറിയായതിനെ തുടർന്നാണ് മന്ത്രി സഭയിലെ അഴിച്ചുപണി.(a n shamseer speaker)

ഇന്ന് ചേർന്ന സംസ്ഥാന സെക്രട്ടറിയേറ്റിലാണ് തീരുമാനം. പാർട്ടി സെക്രട്ടറിയായി തിരഞ്ഞെടുക്കപ്പെട്ടതോടെ എം വി ഗോവിന്ദൻ മന്ത്രിസ്ഥാനം രാജി വെക്കണമെന്ന് നേതൃതലത്തിൽ നേരത്തെ തീരുമാനിച്ചിരുന്നു.നിയമസഭ സമ്മേളനം നടക്കുന്നത് കൊണ്ട് അത് കഴിഞ്ഞ് മതി എന്നായിരുന്നു തീരുമാനം. സമ്മേളനം കഴിഞ്ഞതോടെ രാജിക്കുള്ള വഴി ഒരുങ്ങിയിട്ടുണ്ട്.