മൂന്നാറില്‍ കുതിരസവാരി നടത്തുന്നതിനിടെ പെണ്‍കുട്ടിക്ക് മറ്റൊരു കുതിരയുടെ കടിയേറ്റു

മാതാപിതാക്കളും ബന്ധുക്കളുമടക്കം ഒന്‍പതംഗ സംഘം മാട്ടുപ്പെട്ടി സന്ദര്‍ശനം കഴിഞ്ഞ് മടങ്ങുകയായിരുന്നു. പമ്പിന് സമീപം വാഹനം നിര്‍ത്തിയ ശേഷം പെണ്‍കുട്ടി സവാരി നടത്തുന്നതിനായി കുതിരപ്പുറത്തേറി പോകുന്നതിനിടയിലാണ് പിന്നാലെയെത്തിയ മറ്റൊരു കുതിര കുട്ടിയുടെ ഇടുപ്പുഭാഗത്ത് കടിച്ചത്. പേവിഷബാധയ്ക്കുള്ള ആദ്യ ഡോസ് മരുന്നു നല്‍കിയശേഷം കുട്ടിയെ ബന്ധുക്കള്‍ നാട്ടിലേക്ക് കൊണ്ടുപോയി.