ഷാജന്‍ സ്‌കറിയയുടെ പരാതിയില്‍ പി.വി അന്‍വര്‍ എം.എല്‍.എക്കെതിരേ പോലിസ് കേസെടുത്തു
എരുമേലി : മറുനാടൻ മലയാളി ചീഫ് എഡിറ്റർ ഷാജന്‍ സ്‌കറിയയുടെ പരാതിയില്‍ പി.വി അന്‍വര്‍ എം.എല്‍.എക്കെതിരേ പോലിസ് കേസെടുത്തു. സമൂഹ മാധ്യങ്ങളിലൂടെ അപകീര്‍ത്തിപ്പെടുത്തിയെന്ന പരാതിയിൽ എരുമേലി പോലീസാണ് കേസെടുത്തിരിക്കുന്നത്. നേരത്തെ പരാതി നല്‍കിയിട്ടും കേസെടുക്കാത്തതിനെ തുടര്‍ന്ന് ഷാജന്‍ സ്‌കറിയ കോടതിയെ സമീപിച്ചിരുന്നു. തുടർന്ന് കോടതി നിര്‍ദേശപ്രകാരമാണ് ഇപ്പോഴത്തെ പൊലിസ് നടപടി. മറുനാടന്‍ മലയാളി എന്ന യൂട്യൂബ് ചാനലിലൂടെ സംപ്രേക്ഷണം ചെയ്ത വാര്‍ത്തകള്‍ പി.വി അന്‍വര്‍ എഡിറ്റ് ചെയ്ത് മതസ്പര്‍ധ ഉണ്ടാക്കുന്ന വിധം പ്രചരിപ്പിച്ചെന്നാണ് പരാതി.
.