ടി 20ലോകകപ്പ്കിരീടം ഇന്ത്യയ്ക്ക്.ഫൈനലിൽ ദക്ഷിണാഫ്രിക്കയെ തോൽപ്പിച്ചത് 7 റൺസിന്.

ടി 20ലോകകപ്പ്കിരീടം ഇന്ത്യയ്ക്ക്.ഫൈനലിൽ ദക്ഷിണാഫ്രിക്കയെ തോൽപ്പിച്ചത് 7 റൺസിന്.

ഇന്ത്യ ഉയർത്തിയ 177 റൺസ് വിജയലക്ഷ്യം പിന്തുടർന്ന ദക്ഷിണാഫ്രിക്കയ്ക്ക് 8 വിക്കറ്റ് നഷ്ടത്തിൽ 169 റൺസെടുക്കാനെ കഴിഞ്ഞുള്ളൂ.

ഒരവസ്സരത്തിൽ ഹെൻറിച്ച് ക്‌ളാസൻ ദക്ഷിണാഫ്രിക്കയുടെ രക്ഷകൻ ആണെന്ന് കരുതിയെങ്കിലും വിജയത്തിന് 26 റൺസ് അകലെ ക്‌ളാസനെ പുറത്താക്കി ഹർദിക് പാണ്ഡ്യ ഇന്ത്യയ്ക്ക് പ്രതീക്ഷ നല്കി.

ഒരു വേള അക്സർ പട്ടേലിന്റെ നാലാം ഓവറിൽ ക്‌ളാസൻ അടിച്ച് കൂട്ടിയ 24 റൺസ് കളി ദക്ഷിണാഫ്രിക്കയ്ക്ക് അനുകൂലമാക്കിയിരുന്നു.

പക്ഷേ പതിനെട്ടാം ഓവറിൽ മാർക്കോ ജാൻസനെ പുറത്താക്കി ബുമ്ര ഇന്ത്യൻ പ്രതീക്ഷകൾക്ക് നിറം പകർന്നു.

അവസാന രണ്ടോവറിൽ 20 റൺസ് ആയിരുന്നു ദക്ഷിണാഫ്രിക്കയ്ക്ക് വേണ്ടിയിരുന്നത്.

പത്തൊൻപതാം ഓവർ എറിഞ്ഞ അർഷദീപ് സിങ് പിശുക്ക് കാട്ടിയപ്പോൾ അവസാന ഓവറിൽ ദക്ഷിണാഫ്രിക്കൻ വിജയലക്ഷ്യം ഒരോവറിൽ 16 ആയി.

ഹർദിക് പാണ്ഡ്യ എറിഞ്ഞ അവസാന ഓവറിലെ ആദ്യ പന്തിൽ ഡേവിഡ് മില്ലറിനെ സൂര്യകുമാർ യാദവ് അസാമാന്യ ക്യാച്ചിലൂടെ പുറത്താക്കിയതോടെ ഇന്ത്യ വിജയം ഉറപ്പിക്കുകയായിരുന്നു.

ടി 20 ലോകകപ്പിൽ ഇന്ത്യയുടെ രണ്ടാം കിരീടം ആണിത്.

നേരത്തെ വിരാട് കൊഹ്ലി (59 ബോളിൽ 76 ) , അക്ഷർ പട്ടേൽ (31ബോളിൽ 47), ശിവ ദുബ (16 ബോളിൽ 27) എന്നിവരുടെ ബാറ്റിംഗ് മികവിലാണ് ഇന്ത്യ 176 റൺസ് നേടിയത്.