വാട്ടർ അതോറിറ്റി ജീവനക്കാരുടെ ശമ്പളം പരിഷ്‌കരിച്ചു.

ശമ്പള കുടിശിക അടുത്ത ഏപ്രിൽ 1, ഒക്ടോബർ 1, 2024 ഏപ്രിൽ 1, ഒക്ടോബർ 1 എന്നീ തീയതികളിൽ 4 ഗഡുക്കളായി പ്രോവിഡന്റ് ഫണ്ടിൽ ലയിപ്പിക്കും.
2021 ഏപ്രിൽ 1 മുതൽ കഴിഞ്ഞ ഓഗസ്റ്റ് 31 വരെയുള്ള 7% ക്ഷാമബത്ത കുടിശിക അടുത്ത മാസം പിഎഫിൽ ലയിപ്പിക്കും. 2024 മാർച്ച് 31 വരെ ഇതു പിഎഫിൽ നിന്നു പിൻവലിക്കാനാകില്ല. അതിനു ശേഷം 2025 ഏപ്രിൽ 1 വരെ പകുതി തുകയേ പിൻവലിക്കാനാകൂ. തുടർന്നു നിയന്ത്രണമില്ല.

പിഎഫ് അക്കൗണ്ട് ഇല്ലാത്തവർക്കും ക്ലോസ് ചെയ്തവർക്കും ശമ്പള പരിഷ്‌കരണ, ക്ഷാമബത്ത കുടിശികകൾ പണമായി നൽകും. കോർപറേഷൻ മേഖലയിൽ 10%, ജില്ലാ ആസ്ഥാനങ്ങളിലെ മുനിസിപ്പാലിറ്റികളിൽ 8%, മറ്റു മുനിസിപ്പാലിറ്റികളിൽ 6%, പഞ്ചായത്തുകളിൽ 4% എന്ന നിരക്കിൽ വീട്ടുവാടക അലവൻസ് നൽകും. ക്വാർട്ടേഴ്‌സ് ഉള്ളവർക്കു വീട്ടു വാടക അലവൻസില്ല. ജല അതോറിറ്റിയുടെ ക്വാർട്ടേഴ്‌സുകളിൽ താമസിക്കുന്ന 50,200-1,12,800 ശമ്പള സ്‌കെയിലോ അതിനു മുകളിലോ വാങ്ങുന്നവരിൽ നിന്ന് 2% വീട്ടുവാടക ഈടാക്കും. അലവൻസുകൾ ഈ മാസം മുതൽ വർധിക്കും. എന്നാൽ മുൻകാല പ്രാബല്യമില്ല.