അഞ്ച് വിദ്യാര്‍ഥികളടക്കം ഒന്‍പതുപേരുടെ മരണത്തിനിടയാക്കിയ ബസപകടത്തില്‍ അനുശോചിച്ച് മുഖ്യമന്ത്രി.
തിരുവനന്തപുരം: അഞ്ച് വിദ്യാര്‍ഥികളടക്കം ഒന്‍പതുപേരുടെ മരണത്തിനിടയാക്കിയ ബസപകടത്തില്‍ അനുശോചിച്ച് മുഖ്യമന്ത്രി. വടക്കഞ്ചേരിയിൽ ഉണ്ടായ വാഹനപകടം ആരെയും ഞെട്ടിക്കുന്നതാണെന്നും മുഖ്യമന്ത്രി പിണറായി വിജയൻ. അപകടത്തെ കുറിച്ച് വിശദമായി അന്വേഷിക്കും . റോഡിലെ സിുരക്ഷാനിയമ ലംഘനങ്ങൾ നടത്തിയിട്ടുണ്ടെങ്കിൽ വാഹന ഉടമയ്ക്കും ഓടിച്ചവര്‍ക്കുമെതിരെ കർശന നടപടി സ്വീകരിക്കുമെന്നും മുഖ്യമന്ത്രി പറഞ്ഞു
ഒൻപത് മരണം ഉണ്ടായി എന്നാണ് റിപ്പോർട്ട് .നിരവധി പേർക്ക് പരുക്കേറ്റു .സ്‌കൂളിൽ നിന്നും വിനോദ യാത്രയ്ക്ക് പോയ കുട്ടികളും മരിച്ചവരിൽ ഉൾപ്പെടുന്നു.അപകടത്തിന്റെ കാരണം അന്വേഷിക്കും. റോഡിലെ നിയമ ലംഘനങ്ങൾക്ക് എതിരെ കർശന നടപടി സ്വീകരിക്കും.
പരുക്കേറ്റവർക്ക് ആവശ്യമായ ചികിൽസാ സഹായം ചെയ്യാൻ സർക്കാർ സംവിധാനങ്ങൾ ആകെ ഉണർന്ന് പ്രവർത്തക്കുന്നുണ്ട്.മന്ത്രിമാർ ഉൾപ്പെടെ ആശ്വാസ പ്രവർത്തങ്ങൾക്ക് നേരിട്ട് നേതൃത്വം നൽകുന്നു.മരണമടഞ്ഞവരുടെ കുടുംബങ്ങളുടെയും ഉറ്റവരുടെയും വേദനയിൽ പങ്കു ചേരുന്നു.അഗാധമായ അനുശോചനം രേഖപ്പെടുത്തുന്നു’.
ടൂറിസ്റ്റ് ബസ് ഡ്രൈവറുടെ അശ്രദ്ധയും അമിതവേഗവും കാരണമാണ് വന്‍ ദുരന്തമുണ്ടായത്. പാലക്കാട് വടക്കഞ്ചേരിയിൽ ഇന്നലെ രാത്രി പതിനൊന്നരയോടെയായിരുന്നു അപകടം. മണിക്കൂറിൽ 97.5 വേഗത്തില്‍ പാഞ്ഞ ടൂറിസ്റ്റ് ബസ്, കെ.എസ്.ആർ.ടി.സി ബസിന്റെ പിന്നിൽ ഇടിച്ച് കയറുകയായിരുന്നു. അറുപതോളം പേർക്ക് പരുക്കേറ്റു. ഇതിൽ നാലുപേരുടെ നില ഗുരുതരമാണ്.