ഇരുപത്തിരണ്ടു പേരുമായി പോയ നേപ്പാള്‍ വിമാനം കാണാതായി
ന്യൂഡല്‍ഹി: ഇരുപത്തിരണ്ടു പേരുമായി പോയ നേപ്പാള്‍ വിമാനം കാണാതായി. വിമാനത്തില്‍ നാല് ഇന്ത്യക്കാരുണ്ടായിരുന്നതായി റിപ്പോര്‍ട്ടുകളുണ്ട്.
നേപ്പാള്‍ നഗരമായ പൊഖാരയില്‍ നിന്ന് ജോംസോമിലേക്ക് പോകുകയായിരുന്ന വിമാനമാണ് കാണാതായത്.ഞായറാഴ്ച രാവിലെ 9.55 ഓടെയാണ് വിമാനവുമായുള്ള ബന്ധം നഷ്ടപ്പെട്ടതെന്ന് അധികൃതരെ ഉദ്ധരിച്ച്‌ വാര്‍ത്താ ഏജന്‍സി റിപ്പോര്‍ട്ടുചെയ്തു.
നേപ്പാളിലെ പൊഖാറയില്‍നിന്നും ജോംസമിലേക്ക് പോയ വിമാനമാണ് കാണാതായത്. യാത്രക്കാരും ജീവനക്കാരുമടക്കം 22 പേരാണ് വിമാനത്തില്‍ ഉണ്ടായിരുന്നതെന്ന് പ്രാദേശിക മാധ്യമങ്ങള്‍ റിപ്പോര്‍ട്ടുചെയ്തു. വിമാനം കാണാതായ കാര്യം താരാ എയര്‍ വൃത്തങ്ങള്‍ സ്ഥിരീകരിച്ചിട്ടുണ്ട്. ഹെലികോപ്ടര്‍ ഉപയോഗിച്ചുള്ള തിരച്ചില്‍ തുടങ്ങിയതായി അധികൃതര്‍ സ്ഥിരീകരിച്ചു.